जिल्ला समन्वय समिति बागलुङको आयोजनामा मा जिल्ला स्थित स्थानीयतहहरु,सरकारी कार्यालयहरु र गैर सरकारी संस्थाहरु विच आ.ब.२०७८/२०७९ मा भए गरेका योजना तथा कार्यक्रमहरुको बार्षिक प्रगति समिक्षा गोष्ठी मिति २०७९/०५/०८ र ०९ गते दुुई दिन जिल्ला समन्वय समिति बागलुङको सभाहलमा सम्पन्न भएको छ । समिक्षा गोष्ठी जिल्ला समन्वय समिति बागलुङका प्रमुख श्री अमर बहादुर थापाको अध्यक्षता,माननिय शिक्षा विज्ञान तथा प्रविधि मन्त्री देवेन्द्र पौडेल ज्यूको प्रमुख आतिथ्यता र प्रदेश सभा सदस्यहरु मा.खिम विक्रम शाही र पियारी थापाको विशिष्ट आतिथ्यतामा सम्पन्न भएको थियो । सो कार्यक्रममा जिल्ला स्थित स्थानीय तह विकास निर्माण संग सम्वन्धित सरकारी कार्यालयहरु र गैर सरकारी संस्थाहरुको सहभागिता रहेको थियो । कार्यक्रममा जिल्ला स्थित स्थानीयतहहरु,सरकारी कार्यालयहरु र गैर सरकारी संस्थाहरुले आ.ब.२०७८/२०७९ मा भए गरेका योजना तथा कार्यक्रमहरुको प्रस्तुतिकरण गरेका थिए । प्रस्तुतिकरण पछि सहभागिहरुको जिज्ञासाहरुको जवाफ सम्वन्धित कार्यालय र संस्थाहरुले दिनुका साथै विकास निर्माणलाई प्रभावकारी बनाउन घनिभुत रुपमा छलफल भएको थियो । गोष्ठीको उद्घाटन सत्रमा प्रमख जिल्ला अधिकारी श्री रमेश ढकाल,प्रदेश सभा सदस्य मा. खिम विक्रम शाही बलावति शर्मा र प्रमुख अतिथि मा.शिक्षा विज्ञान तथा प्रविधि मन्त्री देवेन्द्र पौडेलले बोल्नु भएको थियो । गोष्ठी जिल्ला समन्वय समिति बागलुङका उप- प्रमुख श्री होम नाथ शर्माको स्वागत, जिल्ला समन्वय अधिकारी श्री कृष्ण राज गौतमको प्रस्तुतिकरण र शाखा अधिकृत श्री नारायण कार्कीको संचालनमा सम्पन्न भएको थियो ।