स्थानीयतह निर्वाचन २०७९ पश्चात २०७९/०२/२४ गते बागलुङ जिल्ला सभाको प्रथम बैठक सम्पन्न भएको छ । जिल्ला सभाको प्रथम बैठक सभाका जेष्ठ सदस्य एवं गल्कोट नगरपालिकाका नगर प्रमुख भरत शर्माको अध्यक्षता र जिल्ला समन्वय अधिकारी कृष्णराज गौतमको संचालन मा सम्पन्न भएको थियो । सभामा स्वागत निवर्तमान उपप्रमुख विष्णु प्रसाद भुसालले गर्नु भएको थियो । सभाले स्थानीय तह निर्वाचन २०७९ अन्तर्गत २०७९/०१/३० गते गाउँपालिका र नगरपालिकाको निर्वाचनमा उत्साहका साथ सहभागी भै निर्वाचित गराउने सम्पूर्ण मतदाता तथा निर्वाचन सम्पन्न गराउन सहयोग पुराउने सम्पुर्ण राष्ट्रसेवक कर्मचारी लगायत सुरक्षाकर्मीहरुलाई धन्यावाद दिनुका साथै नेपालको संविधान २०७२ को धारा २२० को उपधारा ३ बमोजिम जिल्ला समन्वय समितिमा हुने प्रमुख उपप्रमुख महिला सदस्य र दलित वा अल्पसंख्यक समुदायबाट प्रतिनिधित्व हुने सदस्य संख्या बाहेक अन्य बढिमा ३ जना सदस्य समेत गरी कुल ९ सदस्य संख्या रहने गरी संख्या निर्धारण गरी मुख्य निर्वाचन अधिकृतको कार्यालयमा पठाउने निर्णय गरेको थियो । जिल्ला सभा बैठकमा निवर्तमान प्रमुख राजेन्द्र ढुङ्गानाले मन्तव्य राख्नु भएको थियो ।